صلاة لاجل السلام في لبنان 🇱🇧
➕ يا رب منطلب منك انو ترفع الحروب والدمار عن ارضك لبنان، لبنان اللي ترابو معجون بالقداسة والطهارة والمحبة وعزة النفس
➕ يا رب كلنا ثقة برحمتك ومحبتك دايما وبالحاح لانو نحنا شعب بوطن حكامو ابالسي وكفار وللاسف يا بينا حتى رجال الدين صاروا متل قيافا نحنا املنا فيك حتى يعم السلام بوطن القديسين.
➕ الك وبين ايديك منقدم وطنا المجروح والمغبون اللي عن يعاني بشدة بها الايام السودا، منسالك تمد ايدك وتخفف عنا وعن وطنا هول المصيبة لانو نحنا ولاد الرجاء وما منحب القتل والدمار، هيدي ارض لبنان ارضك ومش لازم تقبل تكون ساحة لتبادل الرسايل…
➕ الك وبين ايديك منقدم أبناء شعبنا مسيحيين ومسلمين اللي عن يدوقوا من المر كتير لانو حكامنا قصار وعملا الشياطين…
➕ يا رب عن تحمل من الالم والتشريد والوجع ما بيفوق قدرتنا، ولكن نحنا صامدين عازمين على التشبث فيك حتى الرمق الاخير لانو نحنا مؤمنين برغم وجعنا والامنا انك انت وحدك الخلاص والحياة.
➕ منصليلك يا رب ومنطلب منك تساعدنا حتى نتخلص من ساسة عملا شياطين حتى نعيش السلام والطمأنينة.
➕ اهدينا يا رب بنور كتبك السماويي.
عبدك : جيلبير المجبر